Një burrë është arrestuar në Ferizaj, pasi gjatë kontrollit të tij fizik dhe kontrollit në banesë, policia ka gjetur dhe sekuestruar 21.1 gram substancë narkotike, e dyshuar si marihuanë.
Përveç lëndës narkotike, janë sekuestruar edhe 6.39 gram fara kanabisi, dy telefona celularë si dhe një sasi e parave të gatshme.
Sipas njoftimit zyrtar të Policisë së Kosovës, rasti ka ndodhur më 5 mars, rreth orës 20:25.
Me vendim të prokurorit të rastit, i dyshuari është dërguar në mbajtje, ndërsa hetimet për zbardhjen e plotë të rastit janë duke vazhduar.