Spiunët britanikë kanë luajtur një rol kyç në mbrojtjen e Ukrainës nga sulmet e përhapura kibernetike ruse që nga fillimi i pushtimit, raporton Sky News.
Dëmi do të ishte i madh nëse nuk do të ndërhynin spiunët britanikë, tha Leo Docherty, ministër i ri në zyrën e jashtme. Ai tha për Sky News se Mbretëria e Bashkuar ka forcuar edhe mbrojtjen e saj kibernetike për shkak të “një kërcënimi shumë të madh kibernetik nga Rusia”.
“Ne jemi tashmë në vijën e parë… Ne jemi të vetëdijshëm për kërcënimin. Ne kemi bërë përgatitjet tona dhe po mbrohemi”, tha Docherty.
“Kjo është arsyeja pse ne kemi një ekspertizë të thellë kur bëhet fjalë për mbrojtjen kibernetike dhe kjo është arsyeja pse ne kemi qenë të hapur ta ndajmë atë me aleatët tanë ukrainas”, shtoi ai tutje./UBTNews/