Qeveria e Spanjës shkarkoi drejtoreshën e agjencisë më të lartë të inteligjencës të vendit të martën pas hakimit të celularëve të politikanëve, duke përfshirë pajisjet e kryeministrit dhe disa zyrtarëve të tjerë.
Qendra Kombëtare e Inteligjencës, CNI, ka qenë nën kritika për rolin e saj në spiunimin e separatistëve katalanas dhe për një vit të plotë për të zbuluar se celularët e kryeministrit dhe zyrtarëve kryesorë të mbrojtjes dhe sigurisë ishin infiltruar, ndoshta nga një fuqi e huaj.
Ministrja e Mbrojtjes, Margarita Robles, e cila ishte ndër objektivat e hakerëve, njoftoi pas mbledhjes së kabinetit se Paz Esteban do të lirohej nga detyra si drejtoreshë e CNI.
“Kjo (hakimet e telefonave qeveritarë) u desh një vit për t’u zbuluar mirë, është e qartë se ka gjëra që ne duhet t’i përmirësojmë. Ne do të përpiqemi të sigurojmë që këto sulme të mos ndodhin më, edhe pse nuk ka asnjë mënyrë për të qenë plotësisht të sigurt”, tha Robles.
Zëvendësuesja e Esteban do të jetë Esperanza Casteleiro, një grua që ka punuar për gati 40 vjet në agjencinë e inteligjencës, tha Robles. Casteleiro së fundmi shërbeu si sekretare e mbrojtjes, që nga viti 2020./UBTNews/