Spanja dhe Franca kanë arritur një marrëveshje të re për të ndërtuar një tubacion gazi nënujor nga Barcelona në Marsejë, duke anuluar një projekt tubacioni të ngecur prej kohësh që do të lidhte vendet përmes Pirenejve.
Tubacioni do t’ua mundësojë Spanjës dhe Portugalisë, dy importuesve kryesorë të gazit natyror të lëngshëm (LNG), të sjellin furnizimet e tyre të tepërta në Francë dhe vende të tjera evropiane.
Gazi i lëngshëm natyror po zëvendëson vëllimet e mëdha të gazit rus që Kremlini ka ndërprerë që nga fillimi i pushtimit të Ukrainës.
Bashkimi Evropian po përpiqet të sigurojë sa më shumë gaz të lëngshëm natyror, në mënyrë që të kalojë dimrin pa ndërprerje të mëdha të energjisë ose racione të gazit./UBTNews/