SpaceX ofroi 150,000 dollarë për një shtëpi afër detit pranë objekteve të saj të nisjes, por pronarja nuk ishte e kënaqur me çmimin, përcjell UBT News.
Një banore e një fshati të Teksasit jugor i tha NBC News se oferta e kompanisë ishte një e treta e çmimit të pronave të ngjashme aty pranë.
SpaceX po ndërton qytetin e saj Starbase në Boca Chica, ku kompania ka lëshuar raketat e saj Falcon 9 dhe prototipet Starship.
Disa banorë kanë thënë se SpaceX bëri oferta për shtëpitë e tyre që ata i konsideronin të padrejta ose oferta shumë të ulëta për të blerë shtëpi të ngjashme diku tjetër. Wall Street Journal raportoi në maj se SpaceX kishte blerë të paktën 112 parcela toke në zonë.
Listimet në disa faqe interneti tregojnë se disa shtëpi në Brownsville, qyteti më i afërt me Boca Chica, shiten për 750,000 dollarë apo më shumë./UBTNews/