Sot është bërë e ditur se do të publikohet vendimi i Gjykatës për rastin e vrasjes së Lulzim Fejzullahut.
Kështu ka njoftuar avokati i familjes së Fejzullahut, Tomë Gashi.
“Më 31.07.24 në ora 9:00 do të publikohet vendimi i Gjykatës për rastin e vrasjes së Lulzim Fejzullahut. Për vrasjen e Lulit kanë mëkate edhe vetë 3 Gjyqtarë të Gjykatës Themelore në Prishtinë të cilët së paku njërit prej sulmuesve mizorë ndaj Lulit për vepra shumë të rënda penale që nga tentim vrasja e një nxënësi në apo afër oborrit të shkollës në Besian pak vite më parë nuk i dhanë dënimin meritor. Po qe se Gjykatësit do të vendosin dënim në përpjesëtim me veprat e tij penale ai sot nuk do të ishte në burg për vrasje të Lulit vetëm 18 vjeçar , e Luli do të ishte shëndosh e mirë dhe jo të kalbet në dhe në këtë moshë kaq të re. Çdo dënim që familja e Lulit e pret ditën e nesërme është dhuratë për ta sepse Luli nuk jeton ma”, kishte shkruar një ditë më parë Gashi në rrjetin social Facebook./UBTNews/