Ish-kryeministri i Qeverisë së Kosovës në ekzil, Bujar Bukoshi, do të varroset sot, më 12 qershor, në Prishtinë.
Ceremonia e varrimit do të mbahet në ora 14:00, në Parkun Memorial në Velani.
Po ashtu, gjatë ditës së sotme do të organizohen homazhe në nderim të tij, nga ora 10:00 deri në 13:00, në Hollin e Kuvendit të Kosovës.
Lajmi për ndarjen nga jeta të Bukoshit është bërë i ditur nga familja e tij, e cila ka njoftuar edhe për mbajtjen e të pames në Grand Hotel Prishtina, nga data 13 deri më 15 qershor, prej orës 09:00 deri në 17:00.