Më shumë se 2.700 mjekë në Sllovaki kanë dhënë dorëheqje për shkak të kushteve të punës, duke shënuar një krizë të rëndësishme në sistemin shëndetësor. Sindikata e mjekëve, LOZ, raporton se kjo përbën më shumë se gjysmën e mjekëve në nivel shtetëror.
Ata janë të gatshëm të tërheqin dorëheqjet nëse Qeveria plotëson disa kërkesa, përfshirë sigurimin e pajisjeve të reja mjekësore dhe punësimin e stafit shtesë. Deri më tani, negociatat me ministrin e Shëndetësisë, Kamil Shashko, nuk kanë arritur ndonjë rezultat.
Udhëheqësi i sindikatës, Peter Visolajsky, tha se “dorëheqja duket se është mënyra e vetme për të realizuar ndryshime” në sistemin shëndetësor. Kjo situatë ka ardhur pas një programi të ri nga Qeveria që kishte për qëllim tërheqjen e premtimeve për rritjen e pagave dhe transformimin e spitaleve në shoqëri aksionare, çka ka shqetësuar sindikatat për një mundësinë e privatizimit të shërbimeve shëndetësore./UBTNews/
