Në një zbulim të ri të madh arkeologjik, një kompleks neolitik me gdhendje guri 9000-vjeçare është zbuluar në shkretëtirën juglindore të Jordanisë.
Gjetja u regjistrua nga një ekip arkeologësh jordanezë dhe francezë dhe u njoftua të martën në një konferencë shtypi të mbajtur nga Ministria jordaneze e Turizmit dhe Antikiteteve. Ky zbulim i fundit u bë në tetor të vitit 2021 nga Projekti Arkeologjik Badia Juglindore (SEBAP), i kryesuar nga Mohammad B. Tarawneh dhe Wael Abu-Azziza, të cilët kanë bërë hetime në rajon në dekadën e fundit.
Arkeologët thonë se zbulimi i ri jep një pasqyrë të shprehjeve krijuese dhe shpirtërore të këtyre njerëzve të lashtë. Ai përbëhet nga dy gdhendje në gurë, të cilat janë quajtur Ghassan dhe Abu Ghassan.
Gjetje të tjera përfshijnë një gur altari ritual, një vatër, një koleksion të rregulluar me kujdes prej rreth 150 fosilesh detare, si dhe figurina kafshësh dhe objekte stralli të punuara me delikatesë.
“Ky është i vetmi model arkitektonik i këtij lloji i njohur deri më tani në mbarë botën në një kontekst neolitik”, thotë SEBAP në një deklaratë./UBTNews/