(Fundi i një lufte pa fitues)
Në njëvjetorin e invazionit ushtarak të pushtimit rus mbi Ukrainën, paralajmëruar për pashmangshmërinë e një lufte konvencionale, dy ditë përpara se të fillonte lufta frontale, në artikullin e publikuar më 22 shkurt 2022, si një paralajmërim serioz se lufta ishte e patejkalueshme. Ajo filloi dy ditë më vonë, me 24 shkurt 2022 me agresionin ushtarak, sulme intensive luftarake të përshkallëzuara në shkallë të gjerë.
Qëkur ushtria ruse dislokoi trupat e saj përgjatë kufirit me Ukrainën rreth një vit më parë, shumë ekspertë ushtarakë dhe politikanë në perëndim menduan se Kievi në rast invazioni do të binte brenda disa ditësh.
Pas fillimit të sulmeve luftarake, ndryshe nga të gjitha parashikimet për përparim të shpejtë të ushtrisë ruse, forcat e ushtrisë ukrainase rimorën kontrollin dhe mbajtën të gjallë shpirtin luftarak të popullit ukrainas me në krye presidentin Zelensky si simbol i luftës për Ukrainën dhe shembull për botën, duke ruajtur epërsinë gjatë ritmit të betejave.
Putini dhe rusët, sikur gabim bënë llogarinë luftës, për shkak të shumë faktorëve defansiv në terren, aspektet e izolimit dhe saksioneve nga Perëndimi.
Paranvera e këtij fillimviti parashihet të shënojë ofenzivën më të madhe të luftës Rusi-Ukrainë të parë ndonjëherë, duke i dhënë goditjen përfundimtare agresionit rus ndaj Ukrainës, sikurse një përballje dhe mësymje të madhe ushtarake me intensitet të lartë luftimi nga të dyja palët në këtë terren kritik lufte.
Derisa lufta kishte shënuar rënie për shkak të dimrit, një lloj (armëpushimi stinor), kishte rifilluar armatimi nga aleatët perëndimorë, në këtë rast Gjermania ia zotoj Ukrainës një ngrkesë mjetesh ushtarake, në total prej rreth 80 tankesh luftarake Leopard 2, sikurse Shtetet e Bashkuara të Amerikës dhe Mbretëria e Bashkuar po ashtu. “Dy batalione (gjithsej rreth 80 tanke kryesore luftarake) të tipit Leopard-2-A6 do të dorëzohen së shpejti”, ka qenë zotimi i Partisë Social Demokrate (SPD), ndërsa aty thuhej se, 14 prej tyre vijnë nga aksionet e Bundeswehr-it.
Po ashtu, përveç aleatëve evropianë, edhe Shtetet e Bashkuara u zotuan të dërgojnë 31 tanke M1 Abrams, ndërkohë Mbretëria e Bashkuar ka premtuar 14 tanke Challenger 2. Kjo do të thotë se vendet e tjera si; Polonia, Spanja dhe Norvegjia, që kanë rezerva të tankeve të standardeve të NATO-s, tani mund t’i dhurojnë ato Ukrainës, si paketë e ndihmës ushtarake, duke e rritë arsenalin sulmues të llojeve të tankeve dhe artilerisë goditëse. Edhe sistemi rimodelimit të raketave, që shkatërron në masë, të cilat shërbejnë si bombardues droni për shpërndarjen e eksplozivit, përbënë një tjetër arritje tek armët shkatërruese ukrainase.
Në këtë situatë krtike – gjendje lufte, Ukraina ka marrë statusin e vendit kandidat për në BE qershorin e vitit të kaluar.
Shtetet e BE-së e kanë mbështetur me vendosmëri Ukrainë qëkur Moska nisi pushtimin në shkurt të vitit 2022, duke goditur Rusinë me një valë ndëshkimesh ekonomike dhe duke i dërguar vazhdimisht armë Kievit. Në këtë kuadër me 3 shkurt të këtij viti u ,bajt “Samiti Ukrainë-BE” në Kiev, ku u ritheksua mbështetja politike integruese dhe ushtarake për çlirimin e Ukraninës.
Duke i parë këto zhvillime, përfshirjen e edhe të mercenarëve paraushtarak Wagner, mbështetjen kineze dhe shtete tradicionale mike të rusisë, Rusia ka marrë masa rigoroze të riorganizimit të luftës me karakter shumëdimensional si goditje përfundimtare.
Rusia supozohet se ka përgatitur gjini të ndryshme ushtarake, njësi elite dhe mjete të sofistikuara luftarake të sinkronizuara, të ndërveprueshëm në terrene lufte, duke përfshirë 2 mijë tanke dhe 300 mijë ushtarë për një ofensivë të madhe në Donbas në javët e ardhshme. Paralajmërimet nga shërbimet e inteligjencës ukrainase, thuhet se fuqia e sulmeve pritet të përforcohet me mijëra mjete luftarake të tjera të blinduara, sisteme artilerie, si dhe qindra avionë luftarakë dhe helikopterë bombardues.
Sulmi pritet të përkojë me përvjetorin e 24 shkurtit të pushtimit të Ukrainës. Në këtë situatë kritike, në mes rritjes së luftimeve, besohet se ofensiva e shumëpritur ruse tashmë ka filluar dhe pritet të përshpejtohet me afrimin e datës simbolike të fillimit të invazionit ushtarak Rus në Ukrainë.
Zhvillimet atje priten të përshkallëzohen me një ripushtim të madh në dy tri javët ardhshme”. Informacionet e inteligjencës ushtarake, shërbimet e kundërzbulimimit të Ukrainës nxjerrin të dhëna se Rusia tanimë ka koncentruar më shumë se 300 mijë trupa brenda vendit, pothuajse sa dyfishi i numrit të ushtarëve të mobilizuar dhe aktiv në luftë në kufijtë e saj pak para fillimit të luftës.
Të dhënat flasin se ushtria ruse ka përgatitur gjithashtu 1 mijë e 800 tanke, mbi 3 mijë e 900 automjete të blinduara, 2 mijë e 700 lloje sistemesh artilerie, 810 sisteme lëshimi të shumëfishta të epokës sovjetike, 400 avionë luftarakë dhe 300 helikopterë për ofensivën e re, sipas vlerësimeve të inteligjencës në Kievit.
I gjithë ky përforcim ushtarak dhe koncentrim i arsenalit luftarak në zonat kritike, tregon një kundërpërgjigjie ndaj Perëndimit për ndihmat ushtarake ndaj Ukrainës, sidomos për kontigjentet e fundit dhe për një dimension të ri të luftës Rusi-Ukrainë. Ofensiva e madhe goditëse tanimë veç ka filluar, rrjedhimisht goditja përfundimtare do të pasqyrohet me vrasje të shumtë në njerëz, shkatërrime të infrastrukturës kritike me dëme katastrofale.
Derisa një vit më parë invazioni i pushtimit rus mbi Ukrainën ishte pashmangshmëria e një lufte konvencionale, tani po shfaqet skajshmëria e një lufte shkatërrimtare e cila është evidente dhe e pakapërcyeshme.
Grumbullimi i një arsenali të tërë luftarak nga të dyja palët, trysnia e mbidominimit ushtarak dhe mobilizimi i gjithanshëm, ngutshmëria ndërvepruese taktike e një ofenzive të madhe, pa mohuar frikën nga armët bërthamore, shpërfaq godijen përfundimtare që nuk tregon se fundi shkatrrimtar është afër nën ritmin e gjatë të betejave të stërgjatura, shënon edhe fundin e një “strategjie lufte” pa fitues.
Shënim:
(Autori është doktor shkence, profesor në programin për Studime të Sigurisë në UBT, i profilizuar dhe njohës i politikave të Sigurisë Kombëtare dhe Inteligjencës)