Siria ka ndërprerë marrëdhëniet diplomatike me Ukrainën, tha qeveria e vendit të mërkurën. Lajmi vjen pas deklaratës së presidentit ukrainas, Volodymyr Zelensky se qeveria e tij po ndërpret marrëdhëniet diplomatike me Sirinë, gjatë muajit qershor.
“Republika Arabe Siriane ka vendosur të prishë marrëdhëniet diplomatike me Ukrainën në përputhje me parimin e reciprocitetit dhe në përgjigje të vendimit të qeverisë ukrainase”, njoftoi agjencia shtetërore e lajmeve SANA, duke cituar një zyrtar të paidentifikuar në Ministrinë e Punëve të Jashtme dhe Emigrantëve.
Zelensky njoftoi për ndërprerjen e marrëdhënieve diplomatike me Qeverinë e presidentit Bashar al-Assad, pasi Damascusi njohu pavarësinë e dy republikave separatiste të Donetskut dhe Luhanskut të mbështetura nga Rusia, që ndodhen në rajonin e Donbasit në Ukrainën lindore.
Siria ishte vendi i parë, pas aleatit të saj të ngushtë, Rusisë, që njohu pavarësinë e rajoneve të shkëputura dhe shprehu zotimin e saj për të ndërtuar marrëdhënie diplomatike me to muajin e kaluar./UBTNews/