Konglomerati gjerman i prodhimit, Siemens, thotë se do të largohet nga tregu rus si rezultat i luftës në Ukrainë, përcjell UBT News.
“Ne i bashkohemi komunitetit ndërkombëtar në dënimin e luftës në Ukrainë dhe jemi të fokusuar në mbështetjen e njerëzve tanë dhe ofrimin e ndihmës humanitare”, tha kompania në një deklaratë sot.
Korporata shumëkombëshe tha se ka filluar “procedurat për të mbyllur operacionet e saj industriale dhe të gjitha aktivitetet e biznesit industrial”.
Siemens tha se më herët kishte pezulluar të gjitha bizneset e reja në Rusi dhe dërgesat ndërkombëtare në Rusi “ndërsa vlerësoi situatën për të garantuar sigurinë e 3,000 punonjësve të saj në vend”./UBTNews/