Seanca e sotme e planifikuar të mbahet sot pranë departamentit special të Gjykatës Themelore në Prishtinë në rastin e vrasjes së politikanit Ivanoviq, është shtyrë për shkak të vrasjes së njërit prej avokatëve para pak ditësh, i cili ka punuar në këtë rast.
Lajmin e ka bërë të ditur avokati Musa Damati, mbrojtës i njërit nga të dyshuarit në këtë rast. Sipas tij, përveç kësaj, arsye tjetër për shtyrjen e seancës është edhe vlerësimi i sigurisë së dëshmitarit anonim, i cili pati deklaruar në seancën e kaluar se ndihet i rrezikuar.
“Edhe masa e paraburgimit e cila ka ekzistuar për më shumë se 40 muaj në këtë rast për disa të akuzuar, është zëvendësuar sot me masën e arrestit shtëpiak”, ka thënë Damati.