Parlamenti ukrainas ka votuar për të hequr zëvendësministren e Mbrojtjes, Hanna Maliar nga posti i saj
Gjashtë ministra të tjerë u shkarkuan gjithashtu – vetëm dy javë pasi ish-ministri i mbrojtjes Oleksii Reznikov u zëvendësua nga Rustem Umerov.
Por pse ka pasur kaq shumë ndryshime?
Ish-oficeri britanik i inteligjencës Philip Ingram u shpreh se:
“Ndërsa asnjë arsye zyrtare përtej nevojës për një qasje të re në të gjithë ministrinë e Mbrojtjes nuk u dha për zëvendësimin e Reznikov, kishte zëra se ai lidhej me një qasje më të gjerë për të pastruar praktikat korruptive në të gjithë qeverinë ukrainase.
Largimi i Maliarit dhe ministrave të tjerë nuk është asgjë e pazakontë.
Sipas Oleh Nemchinov, ministrit ukrainas të Kabinetit të Ministrave, Ligji i Ukrainës për organet ekzekutive, kërkon që ministrat vartës të hiqen kur një ministër shkarkohet.
Sipas mediave ukrainase, të gjithë ministrat dhanë dorëheqjen vullnetarisht dhe ‘shkarkimi’ i tyre ishte vetëm ratifikimi i nevojshëm nga kabineti ukrainas.
Kuptohet se ministri i ri i mbrojtjes Umerov nuk do t’i ofrojë asnjë prej ministrave të vjetër një punë dhe dëshiron një ekip krejtësisht të ri”./UBTNews/