Shtabi i Përgjithshëm i Ushtrisë së Ukrainës tha se Rusia po mban deri në tri grupe taktike batalionesh dhe njësi ajrore në zonat kufitare si përforcime të mundshme.
U tha se ka shpërthime intensive afër Kharkivit, në verilindje. Të martën, 15 persona janë vrarë nga goditjet e artilerisë në atë zonë.
Në rajonin e Donetsk-ut: Stafi i Përgjithshëm tha se forcat ruse janë duke përdorur sisteme të ndryshme të raketave “për të krijuar kushte për rifillimin e ofensivës në qytetin Sloviansk.
Bakhmut: U tha gjithashtu se njësitë ukrainase kanë penguar rusët të përparonin drejt Bakhmutit nga jugu.
Linjat e para: Diku tjetër përgjatë vijave aktive të frontit që shtrihen për më shumë se 1 mijë kilometra (620 milje), ukrainasit raportuan granatimet e vendbanimeve në rajonet Donetsk dhe Zaporizhzhia.
Kreu i administratës ushtarake rajonale të Donetskut, Pavlo Kyrylenko, tha se gjashtë fëmijë janë plagosur dhe një person u vra në granatimet e Chasiv Yar. Ai tha se municionet thërrmuese ranë në afër një liqeni në qytet./UBTNews/