Sot ka ndodhur një shpërthim pranë ambasadës izraelite në Nju Delhi.
I gjithë stafi mbeti i padëmtuar pas shpërthimit, thonë autoritetet qeveritare. “Mund të konfirmojmë se rreth orës 17:20 ka pasur një shpërthim në afërsi të ambasadës”, tha zëdhënësi i ambasadës Guy Nir për Reuters.
Rrethanat rreth incidentit mbeten të paqarta dhe një hetim është duke u zhvilluar në kryeqytetin indian. Shërbimi zjarrfikës i qytetit nuk ka gjetur asgjë deri më tani, tha një zyrtar i lartë.
Në janar 2021, një bombë e vogël shpërtheu pranë ambasadës izraelite në Nju Delhi pa dëmtuar askënd. Një zyrtar izraelit tha se në atë kohë Izraeli po e trajtonte shpërthimin si një “incident terrorist”./UBTNews/