Ka shkuar në 25 numri i të vdekurve nga sulmi me raketa ruse në Vinnytsia të enjten e kaluar.
“Fatkeqësisht, Natalia Falshtynska, neurologe që punonte në klinikën “Neuromed”, që ishte epiqendra e shpërthimit, ka vdekur”, konfirmoi kreu i administratës ushtarake të rajonit Vinnytsia, Serhii Borzov, për televizionin ukrainas të martën.
Falshtynska po trajtonte pacientët në klinikë kur raketa goditi vendin. Ajo la pas vetes tre fëmijë.
Së paku 54 persona të lënduar në sulm janë të shtrirë në spital.
“Tetë prej tyre janë të plagosur rëndë, në mesin e tyre edhe një 20-vjeçare që është në gjendje kritike, e cila ka djegie në 98% të trupit të saj”, tha Borzov./UBTNews/