Ministri i Punëve të Brendshme, Agim Veliu, nuk i është përgjigjur ftesës për raportim lidhur me shkarkimin e ish-drejtorit të policisë së Kosovës, Rashit Qalaj dhe shuarjen e Task-Forcës, në Komisionin për Çështje të Sigurisë.
Kryetarja e komisionit, Fatmire Kollçaku-Mulhaxha e ka konsideruar papërgjegjësi mosardhjen e Veliut. Ajo propozoi hetim parlamentar duke krijuar komision hetimor për shuarjen e Task-Forcës anti korrupsion.
Dy javë më parë, Qeveria e Kosovës e ka shkarkuar Rashit Qalajn nga detyra e drejtorit të përgjithshëm të Policisë së Kosovës. Samedin Mehmeti është emëruar ushtrues detyre i drejtorit të përgjithshëm të Policisë së Kosovës.