Shitjet e makinave në Evropë arritën një rekord të ulët në tetor për shkak të mungesës së mikroçipëve, tha në një deklaratë Shoqata Evropiane e Prodhuesve të Automobilave.
Regjistrimet e reja të makinave të pasagjerëve në BE ranë me 30% në tetor, sipas tyre.
“Me 665,001 njësi të shitura në të gjithë rajonin, ky ishte rezultati më i dobët në terma vëllimi për një muaj si tetori, që nga fillimi i regjistrimeve”, thuhej në deklaratë.
Tregjet më të mëdha të makinave në Evropë pësuan “humbje dyshifrore”, duke përfshirë -35.7% në Itali, -34.9% në Gjermani, -30.7% në Francë dhe -20.5% në Spanjë.
Ndërkohë, kërkesa ka qëndruar në shumicën e këtyre tregjeve, me përjashtim të Gjermanisë.
Tetori shënon muajin e katërt radhazi të rënies së shitjeve të makinave këtë vit pas një rikthimi pas pandemisë, përcjell UBT News.
🇪🇺 Passenger #car registrations: 📈 +2.2% ten months into 2021; 📉 -30.3% in October
— ACEA (@ACEA_auto) November 18, 2021
😳 “With 665,001 #cars sold across the region, this was the weakest result in volume terms for a month of October since records began.”
PRESS RELEASE: https://t.co/pBOHAQ28Om pic.twitter.com/M8Ic5xLp0k
Një mungesë e fundit e mikroçipëve ka ndërprerë rëndë zinxhirin e furnizimit të industrisë së automobilave, duke e detyruar atë të ulë prodhimin.
Shkaqet pas mungesës janë komplekse, por ekspertët thonë se ndërprerjet pandemike i kanë përkeqësuar ato.
Mungesa e çipit filloi vitin e kaluar pasi fabrikat u mbyllën për shkak të COVID-19. Kur linjat e prodhimit rifilluan, pati një kërkesë dhe presion më të madh për pajisje teknologjike./UBTNews/