Numri i të vdekurve nga tërmeti i fuqishëm që goditi Turqinë jugore mëngjesin e të hënës mund të shkojë deri në 10 mijë, sipas Shërbimit Gjeologjik të Shteteve të Bashkuara (USGS).
Sipas vlerësimeve të saj, USGS tha se ka një shans 47% që numri i viktimave të arrijë midis 1 mijë dhe 10 mijë njerëz, ndërsa ka një shans 27% që të arrijë midis 100 dhe 1 mijë dhe një shans 20% që të arrijë midis 10 mijë dhe 100 mijë.
Vlerësimet e USGS-së vijnë nga modelimi i bazuar në tërmetet historike në rajon, popullsia e ekspozuar ndaj lëkundjeve më të rënda dhe cenueshmëria e strukturave në zonat më të goditura.
“Pritet të rritet numri i viktimave dhe dëmëve”, thuhet në raportin e USGS-së.
Gjithashtu raporti vlerëson se humbjet ekonomike do të jenë midis 1 miliard dollarë deri në 10 miliardë dollarë, të cilat mund të arrijnë deri në 2% të PBB-së së Turqisë./UBTNews/