Presidentja e Komisionit Evropian, Ursula von der Leyen, ofroi 400 milionë euro nga fondi i solidaritetit të bllokut si pjesë e një pakete për të ndihmuar Slloveninë e goditur nga përmbytjet.
Ajo e bëri të qartë se, sipas saj, ndryshimi i klimës kishte luajtur një rol në katastrofë.
Katër sllovenë dhe dy turistë holandezë vdiqën në përmbytjet e javës së kaluar, të cilat gjithashtu përmbytën dhjetëra mijëra shtëpi.
“Ne do të bëjmë të aksesueshme 400 milionë euro, 100 milionë prej tyre ende këtë vit dhe 300 milionë euro vitin e ardhshëm”, nga fondi i solidaritetit.
“Ishte zemërthyese të shihje shkatërrimin që ka shkaktuar shiu, përmbytjet dhe rrëshqitjet e dheut”, tha von der Leyen.
Sllovenia mund të kërkojë gjithashtu 2.7 miliardë euro nga fondi “Next Generation” i BE-së, shtoi ajo./UBTNews/