Shefi i Zyrës së Agjencisë Turke për Bashkëpunim dhe Koordinim-TIKA, Cihan Dinçer, vizitoi Parkun Shkencor dhe Inovativ të UBT-së.
Ai u takua me Rektorin e UBT-së, prof.dr. Edmond Hajrizi, me të cilin diskutoi për mundësitë e bashkëpunimit në fushat e interesit të ndërsjellë.
Gjatë kësaj vizite Dinçer u njoh nga afër me punën e UBT-së, me ekosistemin e krijuar ku dija ndërlidhet me punën praktike, e ku shkollimi cilësor bashkë me teknologjinë e fundit i japin dimension të pakrahasueshëm shkollimit në këtë institucion lider të arsimit të lartë në vend.