Situata në Gaza është “apokaliptike” dhe ekziston një “rrezik i shtuar” për kryerjen e krimeve mizore, ka paralajmëruar shefi i OKB-së për të drejtat e njeriut.
Duke folur në një konferencë shtypi në Gjenevë, Volker Turk i kërkoi Izraelit dhe Hamasit që urgjentisht të marrin masa për të ndaluar kryerjen e shkeljeve të tilla.
“Kolegët e mi humanitarë e kanë përshkruar situatën si apokaliptike”, tha ai.
“Në këto rrethana, ekziston një rrezik i rritur i krimeve mizore”.
Ai është pyetur gjithashtu për heqjen e vizave nga Izraeli për disa zyrtarë të OKB-së dhe ndikimin që ka në hetimin e veprave të tilla.
Turk tha se është më e lehtë për OKB-në të hetojë krimet pasi “pluhuri të qetësohet” dhe gjithmonë do të ketë “mungesë bashkëpunimi” nga disa palë.
Ai shpjegoi se ka kërkuar të vizitojë Izraelin, Gazën dhe Bregun Perëndimor, por ende nuk ka marrë autorizim.
I pyetur se si mund të përfundojë konflikti, ai tha se okupimi i Izraelit duhet të përfundojë dhe ai shpreson se “zërat që duan paqen” do të jenë “më të fortë”./UBTNews/