Ukraina do të përballet me muaj të vështirë dhe aftësia ushtarake e Rusisë nuk duhet të nënvlerësohet, tha të hënën Sekretari i Përgjithshëm i NATO-s, Jens Stoltenberg.
Stoltenberg vlerësoi “guximin e jashtëzakonshëm” të forcave ukrainase pas tërheqjes së Rusisë nga qyteti i Khersonit dhe kërkoi mbështetje të vazhdueshme ndërkombëtare për Kievin.
“Muajt e ardhshëm do të jenë të vështirë. Qëllimi i Putinit është ta lë Ukrainën të ftohtë dhe të errët këtë dimër”, tha ai në një konferencë shtypi në Hagë pas takimit me ministrat e jashtëm dhe të mbrojtjes holandeze.
“Ne nuk duhet të bëjmë gabim të nënvlerësojmë Rusinë”, tha Stoltenberg, duke theksuar se forcat e Moskës “kanë aftësi të konsiderueshme, si dhe një numër të madh trupash”./UBTNews/