Shefi i NATO-s e ka kritikuar Kinën se nuk është “e gatshme të dënojë agresionin e Rusisë”, duke e akuzuar atë se “u bashkua me Moskën për të vënë në pikëpyetje të drejtën e kombeve për të zgjedhur rrugën e tyre”.
Përpara se të fillonte pushtimi i Ukrainës, aleatët Kina dhe Rusia deklaruan se miqësia e tyre “nuk kishte kufij”. Por Pekini që atëherë është distancuar në heshtje nga ekonomia ruse e goditur nga sanksionet.
Ndërsa refuzon të dënojë sulmin e Rusisë ndaj Ukrainës, Kina ka denoncuar vazhdimisht sanksionet kundër Moskës si një mënyrë joefektive për zgjidhjen e krizës./UBTNews/