Qeveritë dhe organet e kujdesit shëndetësor në mbarë botën nuk kanë nxjerrë mësime nga pandemia COVID-19 dhe nuk janë gati për një tjetër pandemi, sipas shefit të firmës private të kujdesit shëndetësor, Bupa.
“Ne mund të përballemi me tjetër pandemi së shpejti”, deklaroi Iñaki Ereño.
Sipas tij, spitalet duhet të jenë gati për të trajtuar veçmas personat e infektuar dhe jo të infektuar.
“Pyetja kryesore është: a kemi mësuar nga kjo, kështu që herën tjetër të jemi gati? Mendoj se nuk është kështu”, tha zoti Ereño.
Bupa ofron sigurim privat të kujdesit shëndetësor për 24 milionë njerëz në mbarë botën. Firma ka 82 mijë punonjës dhe kishte një qarkullim prej 14 miliardë funta vitin e kaluar./UBTNews/