Presidenti i Bundesbankut gjerman njoftoi të martën se do të duhet mbi një vit që inflacioni të bjerë në një nivel të pranueshëm.
Joachim Nagel, i cili drejton Bankën Qendrore të Gjermanisë, parashikoi se inflacioni vjetor në vitin 2023 do të qëndrojë ende në 7% me efektin e normave më të ulëta të interesit dhe do të marrë më shumë kohë për të pasur ndikimin e dëshiruar.
Nagel i tha transmetuesit gjerman NTV se ai pret që inflacioni në Gjermani të bjerë vitin e ardhshëm, por shtoi se Banka Qendrore Evropiane do të duhet të vazhdojë të rrisë normat e interesit.
“Do të duhet ende pak kohë para se inflacioni të kthehet aty ku i takon, domethënë në 2%”, tha Nagel.
“Kjo nënkupton se do të kalojmë ende në disa muaj të vështirë”, shtoi ai.
Nagel tha se do të duhen nga 18 muaj deri në dy vjet që rritja e normave të jetë plotësisht efektive./UBTNews/