Vendet më të varfra në botë tani kanë borxh 62 miliardë dollarë në shërbimin vjetor të borxhit ndaj kreditorëve zyrtarë dypalësh, një rritje prej 35% gjatë vitit të kaluar, tha të enjten presidenti i Bankës Botërore, David Malpass, duke paralajmëruar se rritja e barrës po rrit rrezikun e falimentimit.
Malpass deklaroi në një konferencë në New York se dy të tretat e kësaj barre borxhi tani i detyrohen Kinës, duke ofruar disa detaje të raportit vjetor të statistikave të borxhit të huadhënësit të zhvillimit, që pritet javën e ardhshme.
“Unë jam i shqetësuar për një proces të çrregullt të mospagimit ku nuk ka një sistem për të adresuar realisht borxhet për vendet më të varfra”, tha Malpass mes tjerash.
Malpass tha se është i shqetësuar edhe për një rritje të borxhit në ekonomitë e përparuara si Shtetet e Bashkuara të Amerikës, sepse kjo po largon më shumë kapital nga vendet në zhvillim./UBTNews/