Shtetet e Bashkuara i thanë një takimi të Këshillit të Sigurimit të OKB-së të mërkurën se kanë prova se “qindra mijëra” qytetarë ukrainas janë marrë në pyetje, janë arrestuar dhe janë dëbuar me forcë në Rusi në një “seri tmerresh” të mbikëqyrura nga zyrtarët rusë.
Ambasadorja e ShBA në OKB, Linda Thomas-Greenfield, tha se vlerësimet nga një sërë burimesh, përfshirë edhe qeverinë ruse, tregojnë se autoritetet ruse kanë marrë në pyetje, arrestuar dhe dëbuar me forcë midis 900 mijë dhe 1.6 milion ukrainas.
Ukrainasit që ikin vullnetarisht nga lufta në atdheun e tyre ose ata që janë zhvendosur me forcë në Rusi po kalojnë nëpër një seri “pikash filtrimi” ku trajtimi supozohet se varion nga marrja në pyetje dhe kontrollet e zhveshjes deri te torturimi ose dërgimi në një qendër paraburgimi në Rusi./UBTNews/