Shtetet e Bashkuara do të ndihmojnë Tajvanin “të zhvillojë aftësinë për të mbrojtur veten” nga një pushtim kinez, tha të dielën Sekretari i Mbrojtjes Lloyd Austin, duke u ndalur në zotimin e Presidentit Joe Biden për të dërguar trupa në ishull.
“Ne jemi të përkushtuar të ndihmojmë Tajvanin të zhvillojë aftësinë për të mbrojtur veten”, tha Austin në një intervistë për CNN.
Uashingtoni ka mbajtur historikisht një politikë “paqartësie strategjike” rreth asaj se a do të ndërhynte ushtarakisht nëse Tajvani do të sulmohej nga Kina.
I pyetur në një intervistë me CBS muajin e kaluar nëse trupat amerikane do të mbronin Tajvanin, Biden tha “po”, nëse do të ishte “një sulm i paprecedentë”.
Ndërsa Austin u shpreh se, “Ushtria amerikane është gjithmonë e përgatitur për të mbrojtur interesat tona dhe për të përmbushur angazhimet tona. Mendoj se presidenti ishte i qartë në dhënien e përgjigjeve të tij teksa iu përgjigj një pyetjeje hipotetike”./UBTNews/