Konsultimet, të cilat janë ende në një fazë paraprake, synojnë të mbledhin mbështetje nga një sërë vendesh, veçanërisht ato të grupit të 7 (G7), për të koordinuar mbështetjen për çdo kufizim të mundshëm.
Nuk është ende e qartë se çfarë sanksionesh specifike do të propozojë Uashingtoni.
Uashingtoni dhe aleatët e tij kanë thënë javët e fundit se Kina po shqyrtonte ofrimin e armëve për Rusinë, gjë që Pekini e mohon. Ndihmësit e Presidentit të SHBA-së Joe Biden nuk kanë ofruar publikisht prova.
Ata gjithashtu kanë paralajmëruar drejtpërdrejt Kinën që të mos e bëjë këtë, përfshirë në takimet midis Biden dhe presidentit kinez Xi Jinping, si dhe gjatë një takimi personal të 18 shkurtit midis Sekretarit të Shtetit të SHBA-së, Antony Blinken dhe diplomatit të lartë kinez, Wang Yi në Mynih./UBTNews/