SHBA-ja e ka informuar Izraelin se do të vendosë ndalimin e vizave në javët e ardhshme për kolonizatorët izraelitë të përfshirë në dhunë kundër civilëve palestinezë në Bregun Perëndimor të pushtuar, sipas Departamentit të Shtetit të cituar nga Reuters.
Gjatë vizitës së tij në Izrael, Sekretari Amerikan i Shtetit, Antony Blinken u tha zyrtarëve qeveritarë se SHBA do të ndërmarrë veprimet e veta kundër një numri të pazbuluar individësh, thuhet në raport.
I pyetur për një përgjigje, zëdhënësi i qeverisë izraelite Eylon Levy tha se ai nuk kishte asnjë koment për këtë çështje, por tha se Izraeli dënon me vendosmëri çdo përpjekje të individëve për të marrë ligjin në duart e tyre./UBTNews/