Departamenti i Shtetit informoi Kongresin për pakon prej 80 milionë dollarësh, e cila është e vogël në krahasim me shitjet e fundit në Tajvan, por shënon ndihmën e parë për Taipei në kuadër të programit të financimit të jashtëm ushtarak, i cili në përgjithësi përfshin grante ose hua për vendet sovrane.
Ky veprim me siguri do të zemërojë Kinën. Për pesë dekada, Shtetet e Bashkuara kanë njohur zyrtarisht vetëm Pekinin, megjithëse Kongresi, sipas Aktit të Marrëdhënieve me Tajvanin, kërkon furnizimin me armë për demokracinë vetëqeverisëse për mbrojtjen e saj.
Administratat e njëpasnjëshme amerikane e kanë bërë këtë përmes shitjeve dhe jo ndihmës direkte për Tajvanin, me deklarata zyrtare që flasin në tonin e transaksioneve të biznesit me ambasadën de-fakto të ishullit në Uashington.
Departamenti i Shtetit këmbënguli se ndihma e parë sipas programit nuk nënkuptonte ndonjë njohje të sovranitetit të Tajvanit./UBTNews/