Shtetet e Bashkuara të Amerikës dhe Britania e Madhe kanë njoftuar sanksione ndaj katër zyrtarëve të lartë Huthi. Sanksionet u vendosën për shkak të ndikimit të tyre në mbështetjen ose drejtimin e sulmeve ndaj anijeve tregtare në Detin e Kuq.
Të sanksionuarit janë ministri i mbrojtjes së Huthit, Mohamed Nasser al-Atifi, komandanti i Forcave Detare të Huthit, Muhammad Fadl Abd al-Nabi, shefi i forcave të mbrojtjes bregdetare Muhammad Ali al-Qadiri dhe Muhammed Ahmad al-Talibi, të cilin të dy qeveritë e përshkruan si drejtor të forcave të prokurimit të Huthit.
“Sulmet e vazhdueshme terroriste të Huthive mbi anijet tregtare dhe ekuipazhet e tyre civile … kërcënojnë të prishin zinxhirët e furnizimit ndërkombëtar dhe lirinë e lundrimit, e cila është kritike për sigurinë, stabilitetin dhe prosperitetin global”, tha nënsekretari i Thesarit të SHBA-së për Terrorizmin dhe Inteligjencën Financiare, Brian Nelson./UBTNews/