Të paktën katër persona u vranë në sulmet me dronë ‘kamikazë’ që kishin në shënjestër Kievin herët të hënën.
Shtetet e Bashkuara kanë thënë se do të mbajnë Rusinë përgjegjëse për “krime lufte” dhe do të ndërmarrin veprime kundër kompanive dhe kombeve që punojnë me programin e dronëve të Iranit pas një serie sulmesh në qytetet ukrainase.
Të paktën katër persona – përfshirë një çift që prisnin një fëmijë – u vranë të hënën në mëngjes pasi një dron goditi një ndërtesë apartamentesh në Kiev. Sulmet gjithashtu ndërprenë energjinë në qindra qytete dhe fshatra.
Duke folur në fjalimin e tij të rregullt të mbrëmjes, presidenti ukrainas Volodymyr Zelenskyy tha se sulmet ajrore po vazhdonin.
“Tani për tani, ka një sulm të ri me dron rus” tha ai. “Ka [drone] që janë rrëzuar”.
Ukraina ka thënë se sulmet janë kryer me drone “kamikaze”, Shahed-136 që thuhet se Rusia ka blerë nga Irani. Zyrtarët në Teheran kanë mohuar se i kanë shitur armë Moskës.
Sekretarja e shtypit e presidentit amerikan Joe Biden, Karine Jean-Pierre, u tha gazetarëve se Shtëpia e Bardhë “dënon fuqishëm sulmet raketore të Rusisë sot” duke shtuar se sulmi “vazhdon të demonstrojë brutalitetin e [presidentit rus Vladimir] Putin”./UBTNews/