Policia e Kosovës ka gjetur dhe sekuestruar armë dhe sasi të ndryshme të municionit në një lokacion në Mitrovicë.
Policia ka bërë të ditur se në cilësi të provave materiale ka konfiskuar AK-47, dy karikatorë të zbrazët, 20 fishekë të AK-47, dy fishekë të pushkës se gjuetisë, një set për pastrim të armës, dy granata dore dhe dy detonatorë.
“I dyshuari tashmë i njohur për policinë nuk është gjetur në shtëpi, ku sipas informatave i dyshuari në fjalë është jashtë vendit. Me urdhër të prokurorit, ndaj tij është iniciuar rasti ‘Mbajtje në pronësi, kontroll apo posedim të paautorizuar i armës’”, thuhet në njoftim.