Sekretari i Përgjithshëm i Kombeve të Bashkuara, Antonio Guterres, i bëri thirrje Hamasit që të ndalë sulmet e tij ndaj Izraelit dhe të lirojë pengjet.
Ai u kërkoi të gjitha palëve që të lejojnë qasjen e OKB-së për të ofruar ndihmë humanitare për palestinezët e bllokuar në Rripin e Gazës.
Sipas Guterres, vetëm negociatat e paqes dhe zgjidhja për të dy shtetet mund të sjellë stabilitet në rajon.
Sekretari i Përgjithshëm dënoi “sulmet e neveritshme nga Hamasi dhe të tjerët kundër qyteteve dhe fshatrave izraelite në periferi të Gazës”.
“Jam thellësisht i shqetësuar nga njoftimi i sotëm se Izraeli urdhëroi rrethimin e plotë të Rripit të Gazës, duke mos lejuar asgjë – pa energji elektrike, ushqim apo karburant”, tha Sekretari i Përgjithshëm./UBTNews/