Muajin e kaluar, miliarderi Jeff Bezos u lëshua në hapësirë me një raketë për vetëm 11 minuta.
Tani, Virgin Galactic po ju ofron një shans për të bërë të njëjtën gjë – për sa kohë që jeni të gatshëm të paguani 450 mijë dollarë!
Më 11 korrik, kompania e turizmit hapësinor dërgoi themeluesin e saj, Richard Branson, me një fluturim 88 km të lartë në hapësirë. Pas kthimit të tij të sigurt, Virgin Galactic mori miratimin e aviacionit amerikan për të fluturuar civilë “të rregullt”.
“Ne jemi këtu për ta bërë hapësirën më të arritshme për të gjithë,” tha Branson, menjëherë pasi u ul në Tokë. “Mirësevini në agimin e një epoke të re të hapësirës”.
Gjatë fluturimit të tij, CEO mbajti një fjalim motivues duke inkurajuar fëmijët të ëndërrojnë.
“Unë dikur isha një fëmijë me një ëndërr duke parë yjet. Tani, unë jam një i rritur në një anije kozmike me shumë të rritur të tjerë të mrekullueshëm që shikojnë nga lart Tokën tonë të bukur” tha ai. “Për brezin e ardhshëm të ëndërrimtarëve, nëse ne mund ta bëjmë këtë, thjesht imagjinoni se çfarë mund të bëni ju”.
Sipas The Guardian, megjithatë, lëshimet e raketave prodhojnë deri në 300 tonë dioksid karboni, që është më shumë se sa një makinë do të prodhonte në shekuj të vozitjes.
Prandaj, udhëtimet në hapësirë mund të kenë efekte të dëmshme në shtresën e ozonit – të cilat Branson duket se i ka lënë lehtësisht jashtë fjalimit të tij!
Rreziqet, megjithatë, nuk po ngadalësojnë garën në hapësirë. Elon Musk pranoi planet e tij për të dërguar njerëz në Mars përmes SpaceX deri në vitin 2026, edhe pse ai mendoi se “një grup njerëzish ndoshta do të vdesin”.
Se si do të realizohet, mbetet të prisni!/UBTNews