Kancelari gjerman Olaf Scholz ka akuzuar Rusinë për përdorimin e “taktikave të tokës së djegur” në Ukrainë pasi forcat e Moskës goditën infrastrukturën energjetike të vendit ditët e fundit, duke shkaktuar ndërprerje dhe duke nxitur Kievin të vendosë frenim të përdorimit të energjisë elektrike.
“Ne nuk do ta lëmë përshkallëzimin e fundit të Moskës të mbetet pa përgjigje… Taktikat e tokës së djegur nuk do ta ndihmojnë Rusinë të fitojë luftën. Ato vetëm do të forcojnë unitetin dhe vendosmërinë e Ukrainës dhe partnerëve të saj”, tha Scholz.
“Të gjitha gënjeshtrat dhe propaganda, bisedat për ‘operacionet speciale’ dhe fitoret e shpejta – gjithçka ishte vetëm një fasadë, si një fshat Potemkin”, shtoi ai, duke përmendur terminologjinë e vetë Moskës për ofensivën e saj, të cilën ajo e quan një “operacion ushtarak special”./UBTNews/