Gjermania ka njoftuar se do të rrisë prodhimin e municioneve duke u siguruar se do të ketë pajisje të mjaftueshme për zëvendësim dhe se do të riparojë kapacitetin e saj në industrinë e mbrojtjes pas një viti të ofrimit të mbështetjes ushtarake për Ukrainën.
Pas një takimi me kryeministrin letonez, Krisjanis Karins, kancelari Olaf Scholz tha: “Kjo do të mbesë një detyrë e vazhdueshme sepse ne kemi thënë se do ta mbështesim Ukrainën për aq kohë sa të jetë e nevojshme”.
Gjatë muajit janar, Gjermania konfirmoi se do të furnizojë Ukrainën me 14 tanke Leopard 2 dhe u dha aleatëve leje për të dërguar tanke, pavarësisht kërcënimeve nga Rusia. Kjo nënkupton që vendet sikurse Polonia dhe Spanja, që kanë stoqe të tankeve Leopard, mund të furnizojnë me to Kievin./UBTNews/