Gjermania do të vazhdojë të mbështesë Ukrainën me armë “për aq kohë sa nevojitet”, tha kancelari gjerman Olaf Scholz, gjatë një fjalimi sot në takimin vjetor të Federatës së Industrive Gjermane.
“Evropa dhe demokracitë perëndimore nuk e pranojnë sulmin e dhunshëm ndaj Ukrainës”, tha Scholz. Prandaj, Ukraina u furnizua “gjërësisht me armë” dhe “sanksione të ashpra të paprecedentë” u vendosën ndaj Rusisë.
“Këto sanksione funksionojnë. Po, këto sanksione po dëmtojnë edhe veten tonë. Ato dëmtojnë kompanitë tona, por kanë të drejtë”, tha Scholz.
“Liria ka çmimin e saj. Demokracia ka çmimin e saj. Solidariteti me miqtë dhe partnerët ka çmimin e vet. Dhe ne jemi të përgatitur ta paguajmë këtë çmim”, tha Scholz.
Scholz tha se udhëtimi i tij në Irpin afër Kievit të enjten e kaluar i bëri të qartë se Ukraina i përkiste familjes evropiane. “Nuk do t’i harroj kurrë imazhet e tmerrit që pashë atje”, tha ai.
Scholz theksoi se ai do të nxisë një vendim pozitiv për Ukrainën si një kandidate për anëtarësim në BE./UBTNews/