Nënkryetarja e Sindikatës së Bashkuar të Arsimit, Shkencës dhe Kulturës së Kosovës (SBAShK), Vjollca Shala, ka thënë se shkollat kanë bërë të gjitha përgatitjet që nesër të fillojë gjysmëvjetori i dytë për të gjithë nxënësit e arsimit parauniversitar. Ajo ka thënë se nga informacionet që kanë nga kryetarët e komunave, shkollat janë të gatshme që nesër të fillojë mësimi.
Shala tha se në Kosovë është duke u eksperimentuar me arsimin parauniversitar, kjo pasi ndryshimeve të pushimeve për nxënësit.
“Nesër do të fillojë gjysmëvjetori i dytë për të gjithë nxënësit e arsimit paraunversitar, nga informacionet që i kemi nga kryetarët nëpër komuna janë bërë të gjitha përgatitjet që nesër të fillojë mësimi i gjysmëvjetorit 2023/24. Edhe pse në vazhdimësi po eksperimentohet i gjithë arsimi në Kosovë, e veçanti ai paraunversitar, tani po eksperimentohet pushimi dimëror ngase po ndryshojnë datat, gjatësia e pushimeve dimëror, pranveror”, tha ajo.