Autori fitues i çmimeve Salman Rushdie është zgjuar dhe “ka artikuluar” bisedat e tij me hetuesit ndërsa i njëjti mbetet i shtruar në spital për lëndime të rënda pas një sulmi me thikë në perëndim të Nju Jorkut të premten, i tha CNN të hënën një zyrtar i zbatimit të ligjit me njohuri të drejtpërdrejta të hetimit.
Rushdie, 75 vjeç, iu nënshtrua një operacioni urgjent pasi një burrë dyshohet se e goditi me thikë disa herë para leksionit të tij të planifikuar në Institutin Chautauqua, kanë thënë zyrtarët.
Shkrimtari ishte i vetëdijshëm të hënën dhe në gjendje t’u përgjigjej pyetjeve të hetuesve, sipas zyrtarit të zbatimit të ligjit. Është e paqartë se çfarë u tha Rushdie hetuesve.
I dyshuari në sulm, i identifikuar si 24-vjeçari Hadi Matar, dyshohet se u hodh në skenë në Institutin Chautauqua, drejt Rushdie, duke e goditur vazhdimisht me thikë, sipas Shtetit të Nju Jorkut.
Autori pësoi tre plagë me thikë në qafë, katër plagë me thikë në stomak, plagë shpimi në syrin e djathtë dhe gjoks dhe një plagë në kofshën e djathtë, tha Prokurori Jason Schmidt. Rushdie mund të humbasë shikimin në syrin e tij të djathtë, vuri në dukje ai, duke shtuar se sulmi ishte i synuar dhe i planifikuar paraprakisht.
Rushdie jetoi i fshehur pasi romani i tij “Vargjet Satanike” i botuar në vitin 1988, tërhoqi kritika nga shumë muslimanë që e konsideruan atë si sakrilegj./UBTNews/