A mund t’i besoni një testi në shtëpi për të diagnostikuar siç duhet COVID-19, edhe me nënvariantet e Omicron? Ekspertët thonë po, por vini re se testet e antigjenit mund të jenë më pak të ndjeshme ndaj shtameve më të reja të koronavirusit.
Sipas Administratës së Ushqimit dhe Barnave të ShBA-së, testet e antigjenit të njohura më shpesh si teste në shtëpi ose teste të shpejta janë përgjithësisht më pak të ndjeshme në krahasim me testet molekulare (testet PCR), veçanërisht në lidhje me infeksionet e hershme. Kjo ndjeshmëri mund të ulet më tej, për shkak të ndryshimeve gjenetike në virus me kalimin e kohës.
“Testet e antigjenit janë teste të mira në shtëpi, por kuptoni se ata nuk janë aq të ndjeshëm dhe me variantet e Omicron janë bërë më pak të ndjeshëm“, tha Pedro Piedra, MD, një profesor dhe mjek i sëmundjeve infektive pediatrike në Kolegjin e Mjekësisë Baylor.
Megjithatë, kur testet përdoren si duhet, është ende e mundur të jeni të sigurt se po merrni një lexim të saktë. /UBTNews/