Shtatë raketa ukrainase dhe shtatë dronë u shkatërruan gjatë natës mbi rajonin Kursk, tha të hënën guvernatori i atij rajoni rus në kufi me Ukrainën, transmeton Hina.
“Luftëtarët tanë të mbrojtjes ajrore zmbrapsën një sulm nga forcat e armatosura ukrainase mbrëmë,” shkroi guvernatori rajonal i Kursk, Alexei Smirnov në kanalin e tij Telegram.
Ai nuk dha detaje të tjera.
Ministria ruse e Mbrojtjes njoftoi në një raport të mëngjesit se gjithsej 23 dronë ukrainas u shkatërruan mbi territorin rus.
Ministria nuk përmendi raketat në deklaratën e saj.
Sulm masiv me raketa
Analisti ushtarak pro-rus Roman Alyokhin tha në Telegram se Kursk iu nënshtrua një sulmi masiv nga raketat e prodhimit të huaj gjatë natës.
“Ishte shumë zhurmë dhe kishte shumë (raketa)”, tha ai. Reuters nuk mundi të verifikonte në mënyrë të pavarur raportet.
Gjithashtu thuhet se nuk është e qartë se çfarë lloj arme është përdorur nga Ukraina dhe se nuk ka asnjë koment të menjëhershëm nga Ukraina.