Në një shenjë të mëtejshme të rëndësisë që i kushton parandalimit të saj strategjik bërthamor, ushtria ruse ka ngarkuar një raketë balistike “Yars” në një hedhëse silo në rajonin e Kalugas.
Ministria e Mbrojtjes publikoi video për të shënuar ngjarjen, pak përpara “Ditës së Forcave Raketore Strategjike” të Rusisë.
Sipas ministrisë, një “raketë balistike ndërkontinentale e kompleksit Yars u ngarkua në një hedhëse silo në formacionin e raketave Kozelsky në rajonin Kaluga”.
“Rëndësia e këtij operacioni qëndron në faktin se raketa do të jetë në detyrë luftarake siç është planifikuar. Atdheu do të marrë një mostër tjetër të armëve raketore bërthamore, e cila do të na lejojë të zgjidhim çdo detyrë në nivel strategjik”, tha Alexei Sokolov komandanti i formacionit raketor Kozelsky, në një video të shpërndarë nga ministria së bashku me deklaratën./UBTNews/