Rusia pretendon se 1 mijë e 26 ushtarë ukrainas kanë dorëzuar armët në qytetin e rrethuar të Mariupolit.
Porti jugor është sulmuar prej javësh dhe raportohet se është pranë rënies në duart e Rusisë.
Grupi, nga brigada e 36-të detare, thuhet se është dorëzuar pranë punishteve të hekurit dhe çelikut.
Zëdhënësi i Ministrisë së Mbrojtjes të Ukrainës, Oleksandr Motuzyanyk, ka thënë se nuk ka informacion mbi këto, raporton BBC.
Gjatë javës, nënkryetari i bashkisë së Mariupolit e etiketoi si “të rremë” një postim në Facebook që i atribuohej të njëjtës brigadë që pretendonte se trupave po u mbaronin municionet dhe nuk kishin mbështetje./UBTNews/
Përktheu dhe përshtati Edlira Paçarizi, studente e vitit të dytë në Shkenca Politike