Rusia ka nisur aksionin e saj rutinë të rekrutimit të vjeshtës, vetëm disa ditë pasi ministria e saj e mbrojtjes deklaroi se përpjekja e “mobilizimit të pjesshëm” për luftën në Ukrainë kishte përfunduar.
Me një dekret të publikuar në uebsajtin e qeverisë, presidenti rus Vladimir Putin urdhëroi “të rekrutohen në periudhën nga 1 nëntori deri më 31 dhjetor 2022 shtetas të Federatës Ruse të moshës 18 deri në 27 vjeç, të cilët nuk janë në rezervë… një numër prej 120,000 personash”.
Sipas ministrisë së Mbrojtjes, rekrutimi rutinë i vjeshtës nuk kishte asnjë lidhje me luftën e Rusisë në Ukrainë.
Rekrutët nuk do të hyjnë në zonën e luftës dhe shumica e tyre do të kalojnë një vit shërbim ushtarak afër shtëpisë, tha TASS të martën.
Sipas dekretit presidencial të botuar në muajin mars, udhëtimi i mëparshëm i pranverës i kryer në prill-korrik kishte synim 134,500 rekrutë./UBTNews/