Ministria e Jashtme e Rusisë ka mirëpritur dorëheqjen e kryeministres britanike, Liz Truss, duke thënë se ajo ishte “turp” i një lideri që do të mbahet mend për “analfabetizmin e saj katastrofik”.
“Britania nuk ka njohur kurrë një turp të tillë të një kryeministri”, tha zëdhënësja e Ministrisë së Jashtme, Maria Zakharova.
Deklaratat për analfabetizëm duket se i referohen vizitës së Truss në Moskë pak para se Rusia të pushtonte Ukrainën ndërsa ajo ishte ministre e jashtme. Në një takim me ministrin e jashtëm të Rusisë, Sergei Lavrov, ajo ngatërroi dy rajone të Rusisë me Ukrainën./UBTNews/