Rusia i ka shkaktuar “një vit terrori Ukrainës”, tha sekretari amerikan i Mbrojtjes, Lloyd Austin në komentet e tij të para në samitin e NATO-s.
Duke dhënë një konferencë shtypi nga Brukseli, Austin thotë se ai “po sigurohet që Ukraina të ketë atë që i nevojitet, kur i nevojitet”.
“Anëtarët e këtij grupi u kanë dhënë mbrojtësve të Ukrainës më shumë se tetë brigada luftarake. Kjo përfshin kontribute të mëdha nga SHBA.
Por siç thashë muajin e kaluar në Ramstein, kjo nuk ka të bëjë me një aftësi të vetme. Ka të bëjë me ofrimin e të gjitha aftësive që premtojmë. Ka të bëjë me integrimin e të gjitha këtyre sistemeve së bashku”, thotë ai.
“Ka të bëjë me atë që të punojmë me ukrainasit për t’i ndihmuar ata të luftojnë për lirinë e tyre“./UBTNews/